Қауіпсіздік — барлығымызға ортақ маңызды міндет!

Бүгін мектебімізде жалпы қалалық сейсможаттығу өткізілді. Жаттығудың негізгі мақсаты — оқушылар мен мектеп қызметкерлеріне жер сілкінісі кезінде қауіпсіз әрекет ету жолдарын үйрету, төтенше жағдай кезіндегі эвакуация тәртібін пысықтау және сақтық шараларын түсіндіру болды.

Жаттығу барысында дабыл белгісі беріліп, барлық оқушылар мен мұғалімдер арнайы нұсқаулыққа сәйкес қауіпсіз аймаққа эвакуацияланды. Сонымен қатар, алғашқы қауіпсіздік ережелері еске түсіріліп, төтенше жағдайда сабыр сақтаудың маңыздылығы айтылды.

Осындай оқу-жаттығу шаралары оқушылардың қауіпсіздік мәдениетін қалыптастырып, кез келген төтенше жағдайға дайын болуға көмектеседі. Қауіпсіздік — барлығымызға ортақ маңызды міндет! 🚨🏫