"Білімім Отаныма" Соңғы қоңырау кеші

Соңғы қоңырау — мектеп өміріндегі ең әсерлі әрі есте қаларлық сәттердің бірі.
Бүгін Медеу ауданындағы №220 мектепте соңғы қоңырау салтанаты ерекше көңіл-күймен аталып өтті. Биыл 11-сыныпты 17 түлек тәмамдап, үлкен өмірге қадам басты.

Мерекелік шара барысында тек түлектер ғана емес, барлық оқушылар да белсенді қатысып, ұстаздарына алғыс айтып, көтеріңкі көңіл-күй сыйлады. Мектеп ауласын шат күлкі, әсем ән мен ыстық естеліктерге толы әсерлі сәттер кернеді.

Түлектерге ақ жол, асқақ арман, жарқын болашақ тілейміз!
Ал барлық оқушыларға сәтті оқу жылы мен биік жетістіктер тілейміз.
Ұстаздар мен ата-аналардың еңбегі әрдайым жемісті болсын!